LIBANGA 12
EMAMAKI: 80 SIKHATSI: 2½ EMA-AWA LELIPHEPHA LINEMAKHASI LAMA-21.
LIPHEPHA LESIBILI (P2)
Sita tsine ufundze lelikhasi ngembikwekutsi ucale kuphendvula imibuto. UngalifundzI lonkhe liphepha lemibuto. Buka lokucuketfwe ekhasini lelilandzelako bese ubeka luphawu kulowo nalowo mbuto lobutwe ngetincwadzi lotifundze lonyaka. Emva kwaloko, fundza leyo mibuto lenetimphawu kuphela bese ukhetsa leyo lofuna kuphendvula yona. Leliphepha licuketse tigaba LETINTSATFU: SIGABA A: Tinkondlo (30 emamaki) SIGABA B: Inoveli (25 emamaki) SIGABA C: Umdlalo (25 emamaki) Landzela ticondziso ekucaleni kwaleso naleso sigaba. ISIHLANU IMIBUTO lofanele uyiphendvule seyiyonkhe: esigabeni A imibuto mitsatfu , esigabeni B munye , esigabeni C munye . Sebentisa luhlu lwekutikhumbuta kute usitakale. Tinombolo tetimphendvulo atihambisane naleto temibuto njengobe tinjalo ephepheni lemibuto. Cala leso naleso sigaba ekhasini LELISHA. Bhala ngesandla lesibonakalako nalesifundzekako. Siphakamiso sekulawulwa kwesikhatsi: Sigaba A: Lokungenani emaminitsi langema-40. Sigaba B: Lokungenani emaminitsi langema-55 Sigaba C: Lokungenani emaminitsi langema-55
LUHLA LWEKUTIKHUMBUTA: Lelikhasi litawusita bahlolwa ekukhetseni imibuto LABAFUNA kuyiphendvula ngaphandle kwekufundza lonkhe leliphepha lemibuto.
SIGABA
TINOMBOLO TEMIBUTO
B: INoveli (Indzabambhalo nobe imibuto lemifisha)
C: Umdlalo (Indzabambhalo nobe imibuto lemifisha)
CAPHELA: Esigabeni B na C, phendvula YINYE INDZABAMBHALO NAMUNYE umbuto WEMIBUTO LEMIFISHA .
SIGABA A:
TINKONDLO
UMBUTO 1
TINKONDLO LETIFUNDVWE EKILASINI
Khetsa tinkondlo tibe timbili kuleti letilandzelako uphendvule ngato imibuto letawulandzela.
Fundza lenkondlo lelandzelako bese uphendvula imibuto letawulandzela.
NIFIKE KAHLE - JB LUPHOKO Kadze kwasa kukhalwa, Kukhalwa lesingapheli sililo, Sililo lesikhalwa ngabo bonkhe bantfu; 4 Bantfu bonkhe bangati siyocedvwa ngani; Ngani boSathane ndzini. Kadze laniphumela lilanga, Bese nicabanga kutsi ete lanishonela, 8 Linishonele-ke lamuhla: Niyawute nibone kahle; Labosathane laba. Tinganani tintsandzane letikhona ngani? 12 Banganani bafelokati namuhla ngani? Banganani labangenabantfwana namuhla ngani? Nifike kahle -ke kona, niyawutibonela, Bosathane ndzini. 16 Siyawudla kwehle, Silale butfongo behle, Sive nekuhlala kahle, Emitini yetfu lemihle, 20 Lesanikwa yona ngesihle. Niyawute niwukhombe umuti lonetjwala! LaboNdzingasitsebeni laba! Niyawuyihlanta yonkhe lengati 24 Yebantfu lebangenalicala, letimbungulu leti, Tinswelaboya leti!
Bhala indzatjana ngaloko sonkondlo lakhuluma ngako kulenkondlo lengenhla. Budze bemphendvulo yakho abube ngemagama langabi ngaphasi kweli-190 kodvwa angabi ngetulu kwalangama-240.
NOBE
Fundza lenkondlo lelandzelako bese uphendvula imibuto letawulandzela.
Leligama lelitsi insika likhetse kahle ekulisebentiseni kulenkondlo? Sekela lombono. Ikhuluma ngani lenkondlo? Chaza ngeliphuzu libe LINYE. Luhlobo luni lwebunkondlo lekalusebentisile sonkondlo emgceni 13 - 15? Yini umsebenti wesiphumuti lesitfolakala emgceni 17? Kunamphumela muni kuwa kwensika njengalena lekulenkondlo emmangweni? Chaza ngemaphuzu LAMABILI.
NOBE
Fundza lenkondlo lelandzelako bese uphendvula imibuto letawulandzela.
Yini lebangele sonkondlo asebentise luphawu lwesibabato (!) emgceni wekugcina walenkondlo? Sonkondlo ufuna kusitjelani nakatsi gogo uyingungu yesive njengobe sibona emgceni 1? Ucondze kusitjelani sonkondlo nakatsi "emaphiko akho asifukamela sonkhe"? Hlobo luni lwebunkondlo lolumumetfwe ngunangu umusho wenkondlo lolandzelako? Buka takhi letingcivitiwe. "angisiwo umlanjwana ngingumntfwana wagogo." Sihloko senkondlo lesitsi umtapo usibona wena kutsi siyahambisana yini naloko lokushiwo ngulenkondlo? Usho ngani? Ucondzeni sonkondlo nakatsi "Ungumtapo loligugu etitukulwaneni."? Yini lengentiwa ngummango ekutfutfukiseni loku lakhuluma ngako sonkondlo lapha enkondlweni yakhe? Nika emaphuzu LAMABILI.
NOBE
Fundza lenkondlo lelandzelako bese uphendvula imibuto letawulandzela.
Caphuna umugca kulenkondlo lengenhla lapho sonkondlo asebentise khona imphindvwa. Yini lebangele sonkondlo asebentise umbuti (?) kulomugca wenkondlo lolandzelako: " Ngentenjani manje?" Etinkondlweni lotifundzile lena lengenhla uyibona kutsi iluhlobo luni? Usho ngani? Tetsamelilwati talenkondlo tifundzani nganankhu umugca wenkondlo lolandzelako: " Lowawasho usawadl' emabele." Ngabe lenkondlo ikhuluma ngani? Bekakusiphi simo sonkondlo nakabhala lenkondlo?
Fundza lenkondlo lelandzelako bese uphendvula imibuto letawulandzela: ISAHARA JP SHONGWE Unyonyobisa kweligoya Nesitfunti sakho siyasindza, Sisindza indlu lentima yaketfu-
Sifunte intalelwana yabokhokho bayo.
Deda Sahara uyonats' elwandle, Deda uyodl' elwandle. Liphango lakho lingumgodzi wemayini 16 Ete leneliswa ngulelivana lolinyonyobelako. Sahara ngiphendvule: Ufunani kuleli, uyohlala kuze kube nini? Wavelaphi Sahara? Bayetsaba
Ngubani longalwa nawe Sahara? Seloku wefika ugcishatela ngenkhani; Seloku wavela webe yonkhe imphilo. 24 Sahara, Sahara, sale sewusiyekela.
Khetsa emagama lasihlanu langumfanekisomcondvo kulenkondlo lengenhla ubhale ngawo indzatjana, usho kutsi sonkondlo abechazani ngawo usho nekutsi akhetseke kahle kangakanani nalenkondlo yakhe. Indzatjana yakho ingabi ngaphasi kweli-190, kodvwa ingabi ngetulu kwalangema-240.
NOBE
Uphikelele kuto tinswane takho.
Labasakaka bagcwala buso belive.
Gijima njalo Nkhomazi, Uphakele ungenalubandlululo: Ufundzise bantfwabakho Buhle benhlalakahle eveni 30 Nekujula kwekutselelan'emanti.
Bhala ngephethini lelandzelwe ngusonkondlo ekuhleleni imigca yakhe.
Bhala luhlobo lwebunkondlo lobusemigceni lelandzelako:
Sibindzi sakho selibhubesi Hhayi, emandl' endlovu nkhosikati
Ngabe sonkondlo ulikhetse ngemphumelelo lenganani leligama lelidvwetjelwe kulomugca lolandzelako: Uhamb' umunyisa bantfwabakho
Bhala luhlobo lwebunkondlo lobakhiwa ngulemigca lelandzelako:
Bhala ingcikitsi yalenkondlo bese ubhala umugca munye locuketse ligama lelifakazela lengcikitsi (dvwebela lelo gama)
SAMBA SESIGABA A:
SIGABA B: INOVELI UMBUTO 2
Kulesigaba kunemanoveli lamabili. Wena-ke khetsa ibe yinye loyifundze ekilasini lonyaka uphendvule ngayo.
CAPHELA: Khetsa emkhatsini WENDZABAMBHALO NEMIBUTO LEMIFISHA kuleyo naleyo noveli loyifundzile. Kumele uphendvule nobe ngumuphi umbuto ube MUNYE ngaleyo noveli loyifundzile. Uma ukhetsa kuphendvula umbuto wendzabambhalo kulesigaba, uphocelelekile kutsi ESIGABENI C uphendvule imibuto lemifisha.
Bhala indzabambhalo lenemagama langema - 340 kuya ku - 390 uphawule ngesibekandzaba (simonhlalo) lesitfolakala kulenoveli.
NOBE
Fundza letheksthi leyincenye yendzaba bese uphendvula imibuto letawulandzela:
Natsi sikhona lokunani Mntungwa, imikhuhlane leseyabangemahlalakhona singayitsini," kuphendvula LaHlophe. Naloku bakhuluma nje solo akahlaliseki Lushawulo. Watsi lutfu Lushawulo waphumela ngaphandle." Usho nje naye sekuvakala umsindvo wemntfwana labekhwehlela. "Uyabona, sewukhohliwe kutsi mine ngagana wena kuphela. Angati kutsi lomunye ngabe uhlushwa yini ngami, mine kona ngihlushwe yini ngaye. Futsi nanyalo kutsi ngitsatse umlilo ngilumeke lokwetindlu lose udvwale ngako. Lapho-ke ngingase ngibone kutsi lomtsimba wakho ungawulalisaphi." Kutsetsa LaMagagula. "Wota lapha Mtfombeni sitewukhuluma," kunjani siye endlini ngobe naku ungatsi lomoya uyahlaba, kumntfwana nje awulungi kahle," kusho Lushawulo. Asukume LaMagagula aphose umntfwana emhlane ngobe abesemehlisile. Acakeke Lushawulo kutsi sekwentenjani. Esabe nekubuta. Kuloko kuthula eve: "Kulungile-ke sengiyawubingelela lesitsandvwa sakho njengobe usho," asho ahlaba umnyango. "Ngime ..." "Angifuni mlonyana wakho wena," sekusho LaMagagula amjaka angakasho naloko labefuna kukusho. Lushawulo abone ingoti lengahle yenteke nangase ahambe kancane. Avele amlandzele umjako LaMagagula. Batsite bangena edladleni babe sebakanyekanye. Bangena kwathula kwatsi dvu. Inhlitiyo yase ifuna kubhobosa timbobo kuTintfombi ngenca yeluvalo lolwase lumphetse.
LaHlophe utsi "Sivusela nine nebakitsi ..." Nasitsatsela kulokuvuselana kwabo, Lushawulo bekasebenta kuphi? Hlola lenkhulumo letsi "Ngime..." Yini lena leyenta kutsi lona lophumako atfukutsele kangaka? Ngekubukisisa lenkhulumo "yekulunyekwa kwetindlu ngemlilo," Bhala emaphuzu LAMABILI ngesibekandzaba salendzaba. Veta umlingisi losemcoka kulendzaba bese usekela imphendvulo yakho. Ngabe kuliciniso yini kutsi emmangweni lesiphila kuwo bakhona boLushawulo emkhatsini wetfu? Nika emaphuzu LAMABILI. Nika emaphuzu LAMABILI kutsi yini lena lengaka leshayisa Tintfombi luvalo kuletheksthi. Ngabe kukhona yini lokwenta kutsi ufune kuchubekela embili wati ngesiphetfo salenoveli kuletheksthi lengenhla? Sekela ngemaphuzu LAMABILI.
Fundza futsi etheksthi leyincenye yendzaba bese uphendvula imibuto letawulandzela:
Yonkhe leyo mibuto ayingeni kuleti tami tindlebe. Lami linye, ngitsi phuma uphele nje kulamabala." Lushawulo abesazulazula ebaleni manje kubonakala nje kutsi sewucasuke ngempela. Lapha edladleni LaMagagula yena abehlala asukuma ngenca yebuhlungu lobabusenhlitiyweni yakhe macondzana nalesento saLushawulo kunina. Tintfombi yena abehlushwa yindlebe levako. Umuntfu abengala nekutsi uninatala nguyena abemtsandza kunaLaMagagula. Angene endlini manje unina waLushawulo ngekubona kutsi indvodzana yakhe ayikatimiseli kumlalela. Ake eme sikhashana kube sengatsi nengcondvo seyihambile. Watsi asemile wambona asaphoseka ngekhatsi. Wetfuka kabi asacabanga nekutsi encenye sewuyahlanya. Akazange atsi vu. Wacondza emgibeni wetfula leyo migacambongolwana wayijika ngaphandle, wabe alandzelisa ngalokunye masinyane.
LaMagagula uvela njengemlingisi lonjani kulendzaba? Sekela imphendvulo yakho. Hlola lenkhulumo letsi "Tintfombi yena abehlushwa yindlebe levako." Humusha simo semoya kulendzaba lengenhla. Kutiphatsa kwaLushawulo kuwufundzisani ummango? Ngabe kuhamba kwaLaHlophe kwayicedza yini inhlupheko kuTintfombi? [15 + 10]
Emhlabeni lesiphila kuwo umuntfu kufanele awamele emaciniso nobe sekukubi kangakanani kute sive siphumelele. Fakazela lenkhulumo ngekutsatsa umlingisi lohambisana nayo, ubhale indzabambhalo Indzabambhalo ayingabi ngaphasi kwemagama langema-340 kodvwa angabi ngetulu kwalangema-390.
NOBE
Fundza letheksthi leyincenye yendzaba bese uphendvula imibuto letawulandzela:
Kukhutsala kwaboMphikeleli naMsiti etifundvweni tabo kwatiwa sikolo sonkhe, loko kwenta bafundzi labanyenti bafisa kufanana nabo ekutinikeleni emisebentini yesikolo. "Ngutiphi tinhloso lewunato ngematfuba etemfundvo kulomnyaka lotako Msiti?" "Umcondvo wami utsatsa uyabeka kuloko. Angikasitsatsi sincumo lesiphelele, kepha ngitimisele kuyewufundza tifundvo te-B. Tech eVaal University of Technology. Ngifisa kulandzela umkhakha wekuphatfwa kwebantfu ecophelweni lahumende wasekhaya." "Sitimisele kwenta tifundvo letifanako. Yinhloso yami kubona libalela kuwo wonkhe ummango nesive jikelele." Ufuna kulibona libalele, kantsi lisibekele yini Mphikeleli?" "Sive asiwati emalungelo aso Msiti. Ngitimisele kufundzisa sive sonkhe ngemalungelo, ngekutiphatsa nangemfundziso." "Ase uchaze kutsi tihloso takho utawutenta tiphumelele njani." "Nginemasu lamanyenti lengifuna kuwasebentisa kutsi sive siphumelele. Lisu lekucala licedza umcondvo wekwehlukana lewuletfwa kutsi tindzawo tibitwe ngemadolobha nemalokishi. Uma ubita ligama linye lelingenhla, kufika kwehlukana ngekwelibala nangekwemnotfo. Tindzawo atibitwe ngemiti, emadolobha, emasabhabhu noma tigceme. Kufanele kuhlalwe ngekungakhetsi buve nelulwimi. Kumele kugcame kutsi iNingizimu Afrika yakhelwe sive lesimushi wenkhosatane. Kumele kukhutsatwe bunye, inhlalakahle, kusitana, kuhloniphana nekwatana. "Ungawucedza njani umbalandlati (lubandlululo) etintfweni letinyenti telive?" "Lekumele kube semicondvweni yebantfu bonkhe kunye vo: kutsi sonkhe sinengati lenembala munye. Simunye emehlweni aloseTulu ngako-ke kumele singakuvumeli kwehlukana ngekwebuve nangekwembala. Siyawuncoba simunye!" Yini leyenta kutsi njalo ukhulume ngesive kunekutsi ukhulume ngawe?"
Lokwenteka kulendzaba yonkhe kuhambelana kahle nesikhatsi lesiphila kuso lamuhla. Sekela lombono ngemaphuzu LAMABILI lasendzabeni. Hlola lomugca lotsi 'Simunye emehlweni aloseTulu' ubhekise enkholweni yaMphikeleli. Catsanisa lesihloko salenoveli kanye nesiphetfo sayo. Hlatiya kuhambisana kwesihloko salenoveli naloko lokukhulunywa ngako kuyo. Sekela imphendvulo ngemaphuzu LAMABILI. Hlatiya inkhulumo yaMphikeleli letsi ' yinhloso yami kubona libalele kuwo wonkhe ummango nesive jikele' kutsi abecondzeni? Bhala KUNYE latsi Mphikeleli akukhutsatwe esiveni ngako. Labalingisi labakuletheksthi lengenhla babafundzisani bantfwana labasafundza sikolo? Ngabe tigameko letenteka kulendzaba tiyakholweka yini? Sekela ngemaphuzu LAMATSATFU.
Fundza futsi letheksthi leyincenye yendzaba bese uphendvula imibuto letawulandzela:
Ngite lapha ngalokukhulu kutitfoba nangenhlonipho babe" 'Watini wena ngekutitfoba nenhlonipho?" Watibonela Mphikeleli kutsi kukhulu lokwatiwa nguTsabetse ngaye futsi lokungesilo liciniso. Pho , liciniso akusiyo intfo leshesha kwatiwa bantfu! Emanga agcwala indzawo ngesikhatsi lesincane futsi bantfu bawakholwe. Yeka lokusuke kusephephandzabeni ngemuntfu loko kuhambisa kwemlilo wesikhotsa! "Ngiyavalelisa babe Tsabetse. Ngicela ungemukele esikhatsini lesitako noma ungasangemukeli njengemuntfu lofuna indzawo yekuhlala kepha ngemukele njengemntfwana wendzawo." "Hamba! Hamba!" Watibonela Mphikeleli kutsi uyinyongo yenyatsi sibili kulomuti. Wafulatsela wabamba lete ngayo. "Hawu, babe wangabe usamlalela umntfwana etfula inkhulumo yakhe ngemoya lophasi kangaka?" Kubuta LaDladla. "Lomntfwana abekhuluma nami. Kulilungelo lami kumphendvula ngendlela lengifuna kumphendvula ngayo. Ngiyamati lomntfwana ngako-ke angifuni kutsi asondzele lapho ngikhona." Ngumuntfu naye uyaphila babe, ngako-ke kumele aphatfwe ngendlela lefanele ngobe lapha emhlabeni kusakusa." Kusho LaDladla.
Ase uchaze indlela Mphikeleli latiphatsa ngayo ngalesikhatsi akhuluma naTsabetse. Hlatiya lenkhulumo yababe Sikhulu Tsabetse letsi" Ngiyamati lomntfwana ngako-ke angifuni kutsi asondzele lapho ngikhona" Indzaba uma umbhali ayibhale kahle kufanele kube khona balingisi labayitfutfukisako. Ngabe Tsabetse naMphikeleli bayayitfutfukisa yini lendzaba? Mlayeto muni lotfolwa ngummango ngabomake labafana naLaDladla? Chaza simo sesikhatsi sekwenteka kwalendzaba.
SAMBA SESIGABA B:
SIGABA C: UMDLALO UMBUTO 3
Kulesigaba kunemidlalo lemibili. Wena-ke khetsa ube munye lowufundze ekilasini lonyaka uphendvule ngawo.
CAPHELA: Khetsa emkhatsini WENDZABAMBHALO NEMIBUTO LEMIFISHA kulowo nalowo mdlalo lowufundzile. Kumele uphendvule nobe ngumuphi umbuto ube MUNYE ngalowo mdlalo. Uma ukhetse kuphendvula umbuto wendzabambhalo enovelini, uphocelelekile kutsi kulesigaba uphendvule imibuto lemifisha. Uma ukhetse kuphendvula imibuto lemifisha enovelini, uphocelelekile kutsi kulesigaba uphendvule umbuto wendzabambhalo..
Hluta sakhiwo salomdlalo, Kwahlwa Emini. Indzabambhalo yakho ibe nemagama langabi ngaphasi kwalangema-340 kantsi angabi ngetulu kwalangema-390.
NOBE
MKHALELWA: Ase ngichaze ngebukhosi bakaNhlapho lobu: Kusukela kubokhokho betfu boBashele naMhlanga kumele tintfo tihambe ngendlela lefanele. NaboMakhosi walotjolwa sive. Makhosi ngiyo indvodzana yami yekucala. LaHlatjwako watfola umntfwana munye. Indvodzana yami yekucala nguNdleleni naye lowavela Makhosi asakhasa. Lamuhla-ke ngeneka emaciniso njengemuntfu lofako. NDZABENI: Sive asikwati lolokukhulumako Babe wesive. Wonkhe umuntfu weLusizini umangele kutsi yini lena leyenteka lapha emphakatsi. Kutsatfwa bukhosi lobucondzene naNkhanise bunikwa Makhosi. Kuyawulungiswa njani-ke loko? MKHALELWA: Leti timfihlo tasemphakatsi lesingeke sitembulele bonkhe bantfu. Lowo nalowo muntfu akanake tindzaba temuti wakhe ayekele temuti wami. NDZABENI: Hawu, kantsi tintfo time ngalendlela? MKHALELWA: Ngawo-ke emaciniso lawo. Ngifuna kutsi umsebenti uchubeke kahle ngeMgcibelo. Bukhosi baMakhosi. Ngemuva kwaloko-ke ngitawulala butfongo bafutsi. NDZABENI: Loku naye Nkhanise ulindzele kutsi kube khona lomnika kona-ke? Manje, kuyawukwentiwa njani?
Esikhatsini lesinyenti ligama livamise kumlandzela umnikati. Hlola kuphumelela kwembhali ekwetseni labalingisi labalandzelako
Hlatiya lenkhulumo lelandzelako ubhekise kulamagama ladvwetjelwe. 'Ngeneka emaciniso njengemuntfu lofako'
Chaza ubuye uhumushe simo sendzawo kulesicashunwa lesingenhla.
Lichaza lelibanjwa nguNdzabeni kulomdlalo likhomba luhlobo lwenkholo yelusendvo lwakaNhlapho. Hlola lombono.
Hluta simonhlalo setepolitiki endzaweni yaseLusizini.
Bhala indzabambhalo ngekuvetwa kwemlingisi lomcoka kanye nelichaza lalibambile kulomdlalo njengabangiswako. Indzabambhalo yakho ayibe ngemagama langabi ngaphasi kwalama - 340 abuye angabi ngetulu kwalama - 390.
NOBE
SAKHILE: Umbono wami wekucala ngekucanjwa kwemitapomabhuku yesikolo newemmango kutsi ayicanjwe ngemabito ebabhali betincwadzi lababili labasebentele lendzawo ngetindlela letehlukene. Umbono wesibili kusetjentiswa kwemagama etifundziswa letibe kukhanya kulendzawo. BATJELE: Imibono yakho yemukelekile yonkhe. Kuyabonakala kutsi umcondvo uyasetjentiswa impela. Asive imibono yalabanye bontsanga. SATILE: Umbono wami wekucala utsi akucanjwe ngemabito alabo labafundza lapha eMkhuphukantsaba lasebasemacophelweni lasetulu ngekwemisebenti njengabodokotela, bameli, bosokhemisi nalabanye. Umbono wesibili kutsi kucanjwe ngemakhosi netindvuna tendzawo kubukwe lusentfo bese kuyacanjwa.
MAPHAHLA Umbono wami wekucala utsi uma sicamba kumele kungabi ngemabito ebantfu kuphela kepha akubhicwe nemabito etintfo temvelo letifana netibhidvo, tinkhanyeti, timbali, nalokunye. Umbono wesibili utsi kumele siyekele emabito ebantfu bakhashane labangayati lendzawo. Emabito abo akayewusetjentiswa etigodzini takubo, hhayi lapha kitsi. MLANDZELI: Mine ngitsi kucanjwa kucanjwani? Loku lesikwentako akucitsi sikhatsi setfu yini ngobe kulite? Sicambelani emabito aletakhiwo ngobe bayatiwa bantfu labasebente kakhulu ekutfutfukiseni tikhungo tendzawo letehlukene.
Ucabanga kutsi Batjele angabekwa kuliphi lizinga lekuhlola ngalendlela latibandzakanya ngayo etingcocweni temacembu? Sekela imphendvulo yakho.
Yini ingcikitsi yalomdlalo? Sekela imphendvulo yakho ubhekise emdlalweni wonkhe.
Kulemibono yaSakhile lemibili nguwuphi lohambisana nawo wena? Yini lebangela ukhetse lowo mbono?
Injobo itfungelwa ebandla. Sekela lesaga ngekubhekisa kuloku lokwenteka kuletheksthi lengenhla.
Uma ucatsanisa indlela lokwetsiwa ngayo emabito etindzawo emimangweni lesihlala kuwo lomuhla, ngabe yahluke ngani kuloku lokwentiwa kuletheksthi lengenhla? Chaza ngemaphuzu LAMABILI.
Kulesimo saseNingizimu Afrika sekubulawa kwetifikanamtfwalo, utsini umbono wakho ngesiphakamiso saMaphahla. Hlatiya imphendvulo yakho ngemaphuzu lamabili.
Nika yakho inchazelo ngekwetsiwa kwesikolo iMkhuphukantsaba ihambisane nengcikitsi yalomdlalo.
SAMBA SESIGABA C:
SAMBA SAKO KONKHE
